პოლონეთის მეცნიერებისა და უმაღლესი განათლების სამინისტრო (MNiSW) ქალთა საკითხებზე მომუშავე საბჭოს თანასწორობის გუნდით ჩაანაცვლებს. ეს ცვლილება მიზნად ისახავს დისკრიმინაციის ყველა ფორმასთან ბრძოლას, სქესის მიღმა.
ახალი გუნდი, რომელსაც მეცნიერებისა და უმაღლესი განათლების მინისტრი დარიუშ ვიეჩორეკი ქმნის, ფოკუსირებული იქნება თანასწორობის საკითხებზე სამინისტროსა და უმაღლესი განათლების სისტემაში. მისი საქმიანობის სფერო გაფართოვდება და მოიცავს დისკრიმინაციას არა მხოლოდ სქესის, არამედ ასაკის, შეზღუდული შესაძლებლობების, სექსუალური ორიენტაციის, რელიგიისა და წარმომავლობის ნიშნით.
მინისტრის თქმით, ეს ნაბიჯი ემსახურება თანასწორობის პოლიტიკის გაძლიერებას და უფრო ფართო სპექტრის პრობლემების გადაჭრას, რომლებიც დაკავშირებულია დისკრიმინაციასთან. მან აღნიშნა, რომ წინა ქალთა საბჭო 2016 წელს შეიქმნა და მისი ვადა 2020 წელს ამოიწურა.
მოამზადა ნათია ქიმაძემ