პოლონეთში ჩატარებული უახლესი სოციოლოგიური კვლევის მიხედვით, მმართველი კოალიცია, რომელიც მოიცავს სამოქალაქო პლატფორმას (Koalicja Obywatelska), მესამე გზას (Trzecia Droga) და მემარცხენეებს (Lewica), ამჟამად ყველაზე მაღალი მხარდაჭერით სარგებლობს. კვლევა, რომელიც United Surveys-მა Wirtualna Polska-ს დაკვეთით ჩაატარა, ასახავს პოლონეთის პოლიტიკურ ლანდშაფტში არსებულ მიმდინარე ტენდენციებს.
გამოკითხვის შედეგების მიხედვით:
- მმართველ კოალიციას მხარს უჭერს 43.1%.
- პარტია კანონი და სამართლიანობა (Prawo i Sprawiedliwość - PiS) იღებს 30.6%-ს.
- „კონფედერაცია“ (Konfederacja) აჩვენებს მხარდაჭერის ზრდას და 10.3%-ს აღწევს. ანალიტიკოსები ამ ზრდას ნაწილობრივ „ჩარნეკის ეფექტს“ უკავშირებენ, რაც გულისხმობს კონსერვატიული ამომრჩევლების გადადინებას PiS-დან „კონფედერაციისკენ“.
- მესამე გზის მხარდაჭერა შეადგენს 8.6%-ს.
- მემარცხენეებს მხარს უჭერს 6.2%.
სხვა პოლიტიკური პარტიები საარჩევნო ბარიერს ვერ გადალახავდნენ. გამოკითხვის თანახმად, არჩევნებში მონაწილეობას მიიღებდა რესპონდენტთა 58.7%.
მოამზადა მათე გასვიანმა