პოლონეთში, გოჟუვ ველიკოპოლსკის პროვინციული პოლიციის შტაბის მეთაური, ინსპექტორი შიმონ სენძიკი, ქალაქის ტერიტორიაზე დაშვებულზე მეტი სიჩქარით მოძრაობისთვის დააჯარიმეს. ინციდენტი 2023 წლის 20 თებერვალს, გოჟუვ ველიკოპოლსკის ქუჩა მისლიბორსკაზე მოხდა.
პოლიციის მეთაური, რომელიც არამარკირებულ პოლიციის მანქანას მართავდა, 50 კმ/სთ ლიმიტის ზონაში 113 კმ/სთ სიჩქარით გადაადგილდებოდა. ის საკუთარმა ქვეშევრდომებმა გააჩერეს, რამაც საზოგადოებაში დიდი გამოხმაურება გამოიწვია.
ინსპექტორ სენძიკს დაეკისრა 2,500 პოლონური ზლოტის ოდენობის ჯარიმა და მიენიჭა 15 საჯარიმო ქულა. პოლიციის განცხადებით, მეთაურმა ჯარიმა და ქულები მიიღო და არ გაუპროტესტებია.
მოამზადა ნათია ქიმაძემ